NOVIDADE!!
  • White Facebook Icon
  • White Instagram Icon
ponlle
música
alen do azul

Xunto a Catro Ventos Editora démoslle forma a este libro de paisaxes submarinas no que poder descubrir como é a vida baixo o mar, onde incluímos tamén unha revisión das principais ameazas da ría a nivel ecolóxico e recollemos algúns aspectos importantes para realizar un mergullo máis respectuoso co medio.

4v.jpg
 

13 grados 

Trece grados é a temperatura que adoita ter a auga no fondo da ría. Unha temperatura que traen as correntes frías dende as profundidades do océano ata as nosas costas. As mesmas correntes que enchen as augas de nutrientes, permitindo que exista unha grande biodiversidade e que as tinguen da súa característica cor verde. 
Agora, 13 GRADOS tamén nomea un proxecto de educación ambiental para dar a coñecer as paisaxes submarinas que abranguen o fondo da ría e os seus habitantes, así como para axudar na conservación de algo tan fascinante e necesario para todos como é o mar. Libros, charlas, obradoiros, exposicións fotográficas... todo nos serve para achegarte un pouco máis a este gran descoñecido.
Hai tempo descubrimos o mundo que vive alén do azul e dende entón non podemos deixar de visitalo. Queremos amosarvos a vida submarina que se agocha apenas a uns poucos metros de profundidade de nós.
A riqueza dos fondos mariños da nosa ría é unha grande descoñecida. Entender como se desenvolve a vida baixo o mar, o seu delicado e complexo equilibrio, é fundamental para podérmola coidar e gozar máis dela.
Convidámosvos a mergullar neste mundo diferente, para coñecerdes unha realidade paralela que sempre estivo aí, ao noso carón, alén do azul.
 

¿QUÉ PUEDEs ENCONTRAR EN ESTA PÁGINA?

Debido al tipo de contenidos que recogemos para enseñaros el mundo submarino de la ría, esta página está especialmente diseñada para visualizar en ordenador, donde podrás encontrar la versión extendida.
Aun así, hemos elaborado esta versión para móvil, con parte de esos contenidos, para que puedas acceder a ellos desde cualquier lugar.
Nesta páxina todos os contidos que atoparás foron filmados/fotografados na Ría de Vigo e son actualizados continuamente co material e os descubrimentos que estamos a facer a partir das nosas inmersións. É por iso que esta é unha páxina viva, que se anovará continuamente, na que tamén podes participar coas fotos ou comentarios que queiras aportar en seccións especialmente deseñadas para iso. 
 

AS NOSAS ÁREAS DE ACTUACIÓN

alén do azul: O libro da ría 

ALÉN DO AZUL, xa viu a luz. Un libro cheo de ilustracións, fotografías e vídeos que nos permitirán explorar as paisaxes submarinas que agocha a nosa ría e descubrir os seus habitantes

actividades

E recursos 

educación ambiental 

estamos a preparar obradoiros, charlas e outras actividades para coñecer o medio mariño que nos rodea e gozalo dun xeito máis respectuoso. Xa podes desfrutar dunha experiencia diferente probando os safaris de mergullo, onde aprender cómo é o lugar que vas visitar na inmersión e sobre a vida que alí atoparás xusto antes de vivilo en primeira persoa.

 

ilustración

 En 13 GRADOS, procuramos retratar a vida que atopamos cando mergullamos no mar. A través de debuxando o mar  podes seguir as ilustracións que estamos a facer e como as realizamos. Pero tamén podes encargar ilustracións dos teus animais favoritos, ilustracións científicas ou logos para a túa empresa ou asociación.

Nas nosas GALERIAs  subiremos as imaxes máis interesantes ou rechamantes que estamos a quitar. Pero hai un lugar para as túas fotos na sección  A foto do mes, envíanos as túas fotografías e axúdanos a retratar os fondos mariños. Tamén realizamos exposicións temáticas nas que poder amosar o mundo submarino das rías 

PAISAXES SUBMARINAS : somérxete cos nosos vídeos nos puntos de mergullo máis visitados da ría ou podes somerxirte neles a través das nosas redes sociais.

¿QUEN VIVE BAIXO O MAR? : un repaso aos animais que viven nas nosas augas segundo a familia á que pertencen e con algunhas claves para recoñecelos. Se mergullas ou fas snorkel e se algunha vez te preguntaches que demo son todos eses "bichos" que ves, quizais atopes axuda no noso  Buscador. Agora tamén podes conseguir unha das nosas táboas de identificación somerxibles, para recoñecer os peixes que ves mentres mergullas ou fas esnórquel.

divulgación 

  • Instagram
  • Facebook

Coñecer o mundo submarino é fundamental para coidalo. Hai moitas ameazas que poñen en perigo a súa existencia tal e como está agora. En  ERRE QUE ERRE facemos un breve repaso sobre a situación ecolóxica do medio mariño na actualidade, e moi especialmente do que cada un de nós pode facer para mellorala.

conservación 

Todas as fotografías, textos e vídeos pertencen ás autoras e están protexidos pola Ley de Propiedade Intelectual. Non se permite o seu uso non autorizado.

 

CONTACTA CON NOSOUTRAS 

  • White Facebook Icon
  • White Instagram Icon

13 GRADOS sociedade cooperativa galega sen ánimo de lucro 

© 2020  -   13 GRADOS